संविधान संशोधनीय दस्तावेज भएकाले समयानुकल संशोधन हुन्छः प्रधानमन्त्री ओली

काठमाडौं । प्रधानमन्त्री अध्यक्ष केपी शर्मा ओलीले संविधान असंशोधनीय दस्तावेज नभएको बताएका छन् । बुधबारको प्रतिनिधिसभा बैठकलाई सम्बोधन गर्दै प्रधानमन्त्रीले संविधान संशोधनीय दस्तावेज भएकाले समयानुकल संशोधन हुने बताएका हुन् ।

उनले मनलाग्दी रुपमा संविधान संशोधन नहुने पनि स्पष्ट पारे । प्रधानमन्त्रीले संविधान देश र जनताका लागि, सुशासन र विकासका लागि आवश्यक भएको भन्दै सबैको जनता र दलहरुबीच छलफल गरेपश्चात सहमतिमा संविधान संशोधन गरिने बताए । उनले भने,‘संविधान असंशोधनीय दस्तावेज होइन, संशोधनीय दस्तावेज हो । संशोधन लोकतान्त्रिक मूल्य मान्यतालाई अझ बढी सुढृढ बढाउन, अझ बढी व्यवस्थित बनाउन हो ।’

उनले देश र जनताका हितमा समर्पित भएर सरकार अगाडि बढ्ने बताए।

उनले सुशासन कायम गर्न र भ्रष्टाचार नियन्त्रण गर्न सरकार निरन्तर अगाडि बढ्ने बताए । प्रधानमन्त्री ओलीले संविधानको रक्षा र परिपालनका कुनै कमी नरहने प्रतिबद्धता व्यक्त गरे ।