यी शासकहरूको हविगत श्रीलंका र बंगलादेशमा भए जस्तै हुने निश्चित छ: अध्यक्ष राउत

काठमाडौं । जनमत पार्टीका अध्यक्ष डा. सीके राउतले विभिन्न समयमा भएका आन्दोलनबाट प्राप्त उपलब्धि उल्ट्याउन खोजे आफूहरु चुप लागेर नबस्ने बताएका छन् ।

शुक्रबार सामाजिक संजालमार्फत राउतले आन्दोलनबाट संस्थागत भएका मुद्दाहरू उल्ट्याउन खोजे चुप लागेर नबस्ने बताएका छन् ।

उनले भनेका छन्, ‘प्रतिगामी शक्तिहरू एक भयो भन्दैमा र उनीहरूले चाहँदैमा जनआन्दोलन, माओवादी जनक्रान्ति, मधेश आन्दोलन, थरूहट आन्दोलन, स्वराज आन्दोलन र किसान आन्दोलनबाट संस्थागत भएका मुद्दाहरू त्यसै उल्टिदैँनन् । मधेशी, आदिवासी जनजाति, मुस्लिम, थारू सहितका सीमान्तकृत वर्गहरू त्यसै चुप लागेर बस्दैनन् । बरू यी शासकहरूको हविगत श्रीलंका र बंगलादेशमा भए जस्तै हुने निश्चित छ । शासकीय बल प्रयोग गरेर जनतालाई दमन गर्न खोजेमा भाग्ने ठाउँ पनि पाउने छैनन् ।’