तीन प्रदेशमा प्रदेश प्रमुख नियुक्त

काठमाडौं । राष्ट्रपति रामचन्द्र पौडेलले तीन प्रदेशमा प्रदेश प्रमुख नियुक्त गरेका छन् । मन्त्रिपरिषद्को सोमबारको बैठकको निर्णय एवम् सिफारिस बमोजिम राष्ट्रपतिले नेपालको संविधानको धारा १६३ को उपधारा (२) बमोजिम प्रदेश प्रमुख नियुक्त गरेको राष्ट्रपति कार्यालयले जनाएको छ ।

राष्ट्रपतिले बाग्मतीमा कैलालीका दीपकप्रसाद देवकोटा, लुम्बिनीमा रोल्पाका कृष्णबहादुर घर्तीमगर र कर्णाली प्रदेशमा बझाङका यज्ञराज जोशी नियुक्त गरेका छन् ।

त्यस्तै राष्ट्रपतिले बागमतीका यादवचन्द्र शर्मा, लुम्बिनीका अमिक शेरचन र कर्णालीका तिलक परियारलाई पदमुक्त पनि गरेका छन् ।