शुभेच्छुकलाई प्रधानमन्त्रीको आग्रहः डिजिटल माध्यमबाट शुभकामना दिऔं, खादा माला प्रयोग नगरौं

काठमाडौं । प्रधानमन्त्री केपी शर्मा ओलीले शुभेच्छुकलाई सकेसम्म म्यासेन्जरबाट सन्देश पठाउन आग्रह गरेका छन् । खादामा माला बोकेर बधाई दिन आउने लर्को लाग्न थालेपछि प्रधानमन्त्री ओलीले बुधबार सामाजिक संजालमार्फत प्रत्यक्ष भेटेर भन्दा डिजिटल माध्यमबाट शुभकामना दिन आग्रह गरेका हुन् ।

उनले भनेका छन्, ‘शुभ प्रभात ! विभिन्न माध्यमबाट शुभकामना र बधाईका सन्देश आइरहेका छन् । प्रत्यक्ष भेटेर भन्दा डिजिटल माध्यमबाट शुभकामना, बधाई दिँदा साथीहरुको समयको पनि बचत हुन्छ। शुभेच्छुक सबैलाई सकेसम्म म्यासेन्जरबाट सन्देश पठाउन र भेटमा पनि खादा/माला प्रयोग नगर्न अनुरोध गर्छु।’