प्रचण्डलाई बाबुरामको कटाक्षः ‘कुर्सीलाई माया गर्नु एउटा भूल गरें मैले….’
काठमाडौं । पूर्वप्रधानमन्त्री डा. बाबुराम भट्टराईले प्रधानमन्त्री पुष्पकमल दाहाल प्रचण्डलाई एमाले मन्त्रीहरु राजीनामा दिन जाँदा गीत गएको प्रसंग निकाल्दै कटाक्ष गरेका छन् ।
सामाजिक संजालमार्फत भट्टराईले प्रधानमन्त्री प्रचण्डमाथि कटाक्ष गरेका हुन् । बुधबार साँझ राजीनामा बुझाउन गएका एमालेका मन्त्रीहरुसँग प्रधानमन्त्री प्रचण्डले फत्तेमानको चर्चित गीत ‘कसैलाई माया गर्नु एउटा भूल गरें मैले…’ गीत गाएको खबर सार्वजनिक भएको थियो ।
त्यसपछि भट्टराईले भनेका छन्, ‘कसैलाई माया गर्नु’ हैन ‘(कुर्सी)लाई माया गर्नु एउटा भूल गरें मैले..’ भन्नु बढी तथ्यपरक होला !’
सरकार गठनका लागि कांग्रेस र एमालेबीच सहमति भएपछि भट्टराईले प्रचण्डलाई सधैंभरी सबैलाई ठग्न नसकिने भन्दै कटाक्ष गरेका थिए ।
उनले भनेका थिए, ‘चर्चित भनाइ छ – ‘केहीलाई सधैंभरी ठग्न सकिन्छ, सबैलाई केहीबेर ठग्न सकिन्छ; तर सबैलाई सधैंभरी ठग्न सकिन्न।’