आजपनि प्रधानमन्त्री प्रचण्ड र ओली भेटवार्तामा
काठमाडौँ । प्रधानमन्त्री पुष्पकमल दाहाल र एमाले अध्यक्ष केपी शर्मा ओलीबीच फेरि भेटवार्ता भएको छ । दुई नेताबीच सोमबार बिहान प्रधानमन्त्री निवास बालुवाटारमा भेटवार्ता भएको हो । यसअघि उनीहरुबीच आइतबार दिउँसो पनि भेटवार्ता भएको थियो ।
दुई नेताबीच समसामयिक राजनीतिक विषय र सरकारका काम अझै प्रभावकारी बनाउनेबारे छलफल भएको बताइएको छ । शनिबार ओली र कांग्रेस सभापति शेरबहादुर देउवाबीच भेटवार्ता भएको थियो ।
त्यसपछि ओली र प्रधानमन्त्रीबीच लगातार भेटवार्ता भइरेको छ । पछिल्लो समय कांग्रेस र एमालेबीच सत्ता सहकार्यका विषयमा संवाद भइरहेको छ ।
