पछिल्लो राजनीतिक घटनाक्रमबारे छलफल गर्न कांग्रेसले बोलायो पदाधिकारी बैठक
काठमाडौँ । नेपाली कांग्रेसले पदाधिकारी बैठक बोलाएको छ । सभापति शेरबहादुर दउवाले सोमबार दिउँसो ३ बजेका लागि पार्टी पदाधिकारी र पूर्वपदाधिकारीको बैठक बोलाएका छन् ।
प्रवक्ता डा. प्रकाशशरण महतले सभापति देउवाले पछिल्लो राजनीतिक घटनाक्रमका विषयमा छलफल गर्न बैठक बोलाएको जानकारी दिए । सभापति देउवाले शनिबार एमाले अध्यक्ष केपी शर्मा ओलीसँग छलफल गरेका थिए । छलफलमा सत्तासमीकरणमा फेरबदल आउने चर्चा चलेको छ ।
शनिबार देउवा र ओलीबीचको छलफलपछि आइतबार एमाले अध्यक्ष ओली र प्रधानमन्त्री पुष्पकमल दाहाल तथा रास्वपाका सभापति रवि लामिछानेबीच सिंहदरबारमा छलफल भएको छ ।
