राष्ट्रपति पौडेल जेठ ३१ गते जेनेभा जाने

काठमाडौं । सरकारले राष्ट्रपति रामचन्द्र पौडेलको स्वीट्जरल्यान्ड र जर्मनी भ्रमण स्वीकृति गरेको छ । बिहीबार बसेको मन्त्रिपरिषद् बैठकले राष्ट्रपति पौडेलको भ्रमण कार्यक्रमलाई स्वीकृति दिने निर्णय गरेको सरकारकी प्रवक्ता एवं सूचना, सञ्चार तथा प्रविधिमन्त्री रेखा शर्माले जानकारी दिइन् । राष्ट्रपति पौडेल नेतृत्वको टोली जेठ ३१ गते स्वीट्जरल्यान्डको जेनेभा प्रस्थान गर्नेछ ।

उनी जेनेभामा आयोजना हुने अन्तर्राष्ट्रिय श्रम सम्मेलनको ११२ औँ अधिवेशनमा भाग लिन त्यसतर्फ जान लागेका हुन् । त्यसलगत्तै राष्ट्रपति पौडेल नेतृत्वको टोली जर्मनी भ्रमणमा निस्कनेछ ।