सहकारी र गिरिबन्धुमा जोगिन एमाले र रास्वपाबीच मिलिभगत देखियोः महामन्त्री शर्मा
काठमाडौँ । नेपाली कांग्रेसका महामन्त्री विश्वप्रकाश शर्माले संसदमा कांग्रेसलाई सभामुख देवराज घिमिरेले बोल्न नदिएको बताएका छन् ।
शुक्रबार संसद भवनमा सञ्चारकर्मीसँग कुरा गर्दै महामन्त्री शर्माले शुक्रबारको बैठकमा बोल्न समय माग गरेपनि बोल्न नदिएको बताएका हुन् । उनले सहकारी प्रकरणमा रास्वपालाई एमाले र गिरिबन्धुमा एमालेलाई रास्वपाले जोगाउन खोजिएको तर्क गरेका छन् ।
शर्माले सहकारी प्रकरणमा संसदीय छानबिन समिति बन्न नाम किटान नगर्ने हो भने त्यसको कुनै अर्थ नरहने जिकिर गरे । मिडिया हाउसका सञ्चालनको नागरिकताको बिषयमा उठेको बिषयमा सहयोग गर्न तयार छु भन्दा समातेको भन्दै उनले समात्ने निकायमा दुई वटा पासपोर्टको कारण आरोपी व्यक्ति रहेको उल्लेख गरे ।
सभामुखको छेउमा बस्ने व्यक्तिको दुईवटा नागरिकताको कुरा आएपनि गिरफ्तार नगरिएको उनको भनाइ छ । उनले गिरफ्तार नगरेर पनि मुद्दाको अनुसन्धान गर्न सकिने बताए । उनले गिरिबन्धु प्रकरणमा पनि छानबिन समिति बनाउन सुझाव दिए । शर्माले गृहमन्त्रीले आरोप लगाएका कांग्रेसका सबै नेता, परिवार लगायतमाथि छानविन गर्न कांग्रेस तयार रहेको बताए ।
