गृहमन्त्री जोडिएका सहकारीको नाम उल्लेख गर्नेगरी कार्यादेश बनाउन कांग्रेसको प्रस्ताव

काठमाडौं । सहकारी ठगीमा गृहमन्त्री रवि लामिछानेको नाम जोडिएको विषयमा छानबिन गर्न गठन हुने भनिएको संसदीय समितिको कार्यादेशमा कार्यदलमा सहमति हुन सकेको छैन । आज बसेको कार्यदलको बैठकमा दुबै पक्षले सहमति नजिक पुगेको बताएका छन् ।

समितिको कार्यादेशमा कांग्रेसले यसअघि लामिछानेको नाम राख्नुपर्ने अडान राखेकोमा आजको बैठकमा गृहमन्त्री जोडिएका सहकारीको नाम उल्लेख गर्नेगरी कार्यादेश बनाउन नयाँ प्रस्ताव ल्याएको छ । कार्यदल सदस्य एवं नेकपा एमालेका प्रमुख सचेतक महेश बर्तौलाले कांग्रेसका तर्फबाट नयाँ प्रस्ताव आएको तर छलफल टुंगी नसकेको बताए ।