संसदमा कांग्रेसको नाराबाजी, बैठक अवरुद्ध

काठमाडौं । उपप्रधान एवं गृहमन्त्री रवि लामिछानेमाथि संसदीय छानबिन समितिको माग गर्दै आएको नेपाली कांग्रेसले प्रतिनिधिसभा बैठकमा नाराबाजी गरेको छ । सोमबार बैठक सुरू हुनेवित्तिकै कांग्रेस सांसदहरू सिटबाट उठेर नाराबाजी गरेका थिए । कांग्रेसले आफूलाई बोल्नका लागि समय माग गरेको थियो ।

तर सभामुखले समय नदिई कार्यसूचीमा प्रवेश गर्न खोजेपछि कांग्रेस सांसदरु वेल घेर्न पुगेका थिए । त्यसपछि सभामुखले १५ मिनेटका लागि बैठक स्थगित गरेका छन् । गृहमन्त्रीमाथि छानबिन गर्न माग गर्दै केही दिनदेखि कांग्रेसले निरन्तर संसदमा नाराबाजी गर्दै आएको छ ।