प्रतिनिधिसभा बैठक दिउँसो दुई बजेसम्मका लागि स्थगित

काठमाडौं । प्रतिनिधिसभा बैठकको समय सारिएको छ । आज बिहान ११ बजेका लागि बोलाइएको बैठक दिउँसो २ बजे बस्ने गरी निर्धारण गरिएको संघीय संसद सचिवालयले जनाएको छ ।

सचिवालयको सूचनामा भनिएको छ , ‘आज मिति २०८१ साल जेठ ६ गते आइतबार बिहान ११ः०० बजे बस्ने गरी निर्धारण भएको प्रतिनिधिसभाको बैठक विशेष कारण उक्त समयमा बस्न नसक्ने भएकोले प्रतिनिधिसभा नियमावली, २०७९ को नियम ६ को उपनियम (२) को प्रतिबन्धात्मक वाक्यांशबमोजिम सम्माननीय सभामुखले सभाको बैठक आजै दिनको २ः०० बजे बस्ने गरी निर्धारण गर्नुभएको व्यहोरा माननीय सदस्यहरुको जानकारीको लागि यो सूचना प्रकाशित गरिएको छ ।’

सहकारी ठगी प्रकरणको छानबिनका लागि संसदीय समिति गठन गर्ने दलहरुबीच सहमति भइसकेको छ । तर समितिको कार्यक्षेत्रकाबारेमा दलहरुबीच छलफल भइरहेकाले बैठकको समय सारिएको हो ।