इलाममा मतान्तर बढाउँदै सुहाङ, सुहाङले १० कटाउँदा कांग्रेसको ७ हजार ६२
काठमाडौं । इलाममा नेकपा एमालेका उम्मेदवार सुहाङ नेम्वाङको अग्रता कायमै छ । पछिल्लो मतपरिणामअनुसार सुहाङले नेपाली कांग्रेसका उम्मेदवार डम्मर खड्कालाई पछि पार्दै अग्रता कायमै राखेका छन् । उनले अहिलेसम्म १० हजार ४१९ मत प्राप्त गरेका छन् ।
कांग्रेसका खड्काले ७ हजार ६२ मत ल्याएका छन् । सुहाङ ३ हजार ३५७ मतले अगाडि छन् । स्वतन्त्र उमेदवार डकेन्द्रसिंह थेगिमले ५ हजार ७५३ मत प्राप्त गरेका छन् । रास्वपाका उमेदवार मिलन लिम्बुले अहिलेसम्म १ हजार ४५१ मत प्राप्त गरेका छन् । अहिलेसम्म २५ हजार ७१२ मतगणना भएको छ ।
