रञ्जितालाई रेशमको आग्रहः पार्टी र सरकार दुबै तिमी चलाउ
काठमाडौं । नागरिक उन्मुक्ति पार्टीका संरक्षक रेशम चौधरीले पार्टी अध्यक्ष रञ्जिता श्रेष्ठलाई पार्टी र सरकार चलाउन आग्रह गरेका छन् । शनिबार सामाजिक संजालमार्फत चौधरीले रञ्जितालाई पार्टी र सरकार चलाउन आग्रह गरेका हुन् ।
उनले भनेका छन्, ‘महासचिव ठाकुर सिङ थारुलाई साक्षी राखेर पार्टी र सरकार दुबै तिमी चलाउ भन्ने आग्रहका साथ मैले पनि यो फोटो पोष्ट गरें ।’
उनले आफूहरूले सुदूरपश्चिम र लुम्बिनी प्रदेशमा सरकारलाई दिएको समर्थन फिर्ता लिनेसमेत बताएका छन् । उनले भनेका छन्, ‘हामी छिट्टै लुम्बिनी र सुदूरपश्चिम सरकारबाट समर्थन फिर्ता लिन्छौं ।’