चिकित्सक कुटपिटको विरोधमा देशभरका अस्पतालमा आकस्मिकबाहेक सबै सेवा बन्द
काठमाडौं । हेटौँडास्थित सन्चो अस्पतालमा कार्यरत चिकित्सकमाथि आक्रमण भएको घटनाको विरोधमा नेपाल चिकित्सक संघको आह्वानमा आज देशभरका अस्पतालका आकस्मिबाहेकका सेवा ठप्प भएका छन् । देशभरका अधिकांश अस्पतालले आज बिहानदेखि आकस्मिकबाहेकका सेवा बन्द गरेका छन् ।
नेपाल चिकित्स संघले शनिबार विज्ञप्ति जारी गरी आइतबारदेखि आइतबारदेखि देशभरका अस्पताल र स्वास्थ्य संस्थामा आकस्मिक बाहेकका सेवा ठप्प पार्ने बताएको थियो । संघको आह्वानअनुसार आइतबार देशभरका अधिकांश अस्पतालहरुमा ओपीडी सेवा बन्द गरिएको छ ।
सन्चो अस्पतालका चिकित्सक डा. विकास थापा र डा. प्रशान्त विडारीमाथि आक्रमण गर्नेलाई कारबाही नगरिएको भन्दै संघले देशभरका अस्पतालको आकस्मिक बाहेकका सेवा बन्द गर्ने निर्णय गरेको हो ।
संघले देशभरका स्वास्थ्य संस्थाहरुमा अनिवार्य रुपमा स्वास्थ्य संस्था सुरक्षाबलको व्यवस्था गरी भयरहित वातावरणमा स्वास्थ्य सेवा प्रवाह गर्ने व्यवस्था अबिलम्ब मिलाउनु माग पनि राखेको छ । संघको आह्वानमा अस्पताल बन्द हुँदा बिरामीहरु मर्कामा परेका छन् ।
