के गालीगलौजको जात हुन्छ ?

डा.गोविन्दशरण उपाध्याय ।

यो देशमा केही दलित नेताहरूले, केही आदिवासी जनजाति भनाउँदाका (यो परिभाषा नै गलत छ) नेताहरूले केही थेरवादी नेताहरूले जतातै बाहुनक्षेत्रीलाई गालीगलौज गर्न मिल्ने तर कुनै ब्राह्मणक्षेत्रीले सोही शैलीमा प्रतिक्रिया दियो भने धर्मनिरपेक्षताको विरोध, जातिवादी चिन्तन, कानुनी अपराध भन्दै मुद्दा चलाइने किन ? के गालीगलौजको जात हुन्छ ?

विगतको नेपाली समाज समतामूलक थिएन, समाजमा धेरै समस्या थिए । आज तथाकथित लोकतान्त्रिक सरकारहरू निर्मित हुने र फालिने क्रम चलेको लगभग ४० वर्ष बितिसके । सन् १९९१ पछि नेपाली समाजमा माओवादी आन्दोलनका माध्यमबाट ‘घृणावाद’ले प्रवेश गर्यो । यो घृणावाद जातीय, भूगोल, भाषा तथा नाकमा आधारित थियो । देशमा समतामूलक संविधान  र ठ्याकै विदेशीहरूले चाहेजस्तो ‘समाजवादी’सरकार बने पनि ‘घृणावाद’ कुनै कमी आएन । आज गरिवी, सामन्तवाद, अशिक्षा, छुवाछुत र समताको क्रान्ति ‘ब्राहमणक्षेत्री विरुद्ध’ घृणावादमा रुपान्तरित भएको छ ।

समतामूलक समाजको निर्माण गर्न हिंडेका प्रगतिशील राजनैतिक नेतृत्व र त्यसलाई संचालन गर्ने विदेशी शक्तिहरू एकै ठाउँमा उभिएर ‘ब्राह्मणक्षेत्री’हरुलाई गालीगलौज गर्नुनै समतामूलक नेपालको निर्माण हो’ भन्ने भाष्यमा पुगेका छन् । यसको बलियो प्रमाण ‘धर्मनिरपेक्षता’का सवालमा सर्वसाधारणसंग रायबुझ्न मागिएको सुझाव आजका मितिसम्म लुकाएर राख्नु र सामाजिक संजालमा ब्राह्मणक्षेत्री विरुद्ध जातीय गालीगलौज र घृणफैलाउने व्यक्ति र तिनले प्रस्तुत गर्ने सामाग्रीहरू वेवास्ता गर्नु हो ।

यदि नेतृत्वले देशको ८०% जनसंख्याको प्रतिनिधित्व गर्ने ब्राहमणक्षेत्री समुदायलाई अपमान गर्ने गालीगलौज गर्ने र घृणा गर्ने विचारहरूलाई महत्व दिंदै गयो देश र समाज असजिलोमा पर्ने निश्चित छ । धैर्यमा धेरै प्रहार गर्नुहुँदैन । धैर्यलाई गालीगलौज र घृणावादमा धकेल्नु हुँदैन । तर यो सत्य कसले बुझ्ने–सरकार प्रमुखहरू आफै यही समुदायको खेदो खनेर विदेशीको प्रिय हुने प्रयत्न गरिरहेका हुन्छन् ।

के केही दलितनेता, केही केही आदिवासी जनजातिका स्वयंभू नेताहरू, केही थेरवादीहरू र केही मुस्लिम–इसाई नेताहरूलाई संविधानमा ‘ब्राह्मण क्षेत्री तथा हिन्दूहरूलाई जथाभावी गालीगलौज गर्न व्यबस्था गरिएको छ ? जतिनै गहिरो पानीको दह भए पनि ढूंगा फालेपछि प्रतिक्रिया आउँछ । यदि यो देशमा जातीय दङ्गा हुन्छ, धार्मिक लडाई हुन्छ भने गालीगलौज गर्नेहरूलाई संरक्षण दिने सरकारी संयन्त्र र जातीय रक्तपातको तयारी गरिरहेका ‘गालीगलौज र घृणावादी’हरूका कारण हुन्छ । जातीयआधारमा गालीगलौज गर्नेहरूलाई संरक्षण गर्छ भने देशको ८१% प्रतिशत हातमा दही जमाएर बस्नेवाला छैन । धैर्यको सीमा वाहिर जोसुकै व्यक्ति असुक्षित नै हुन्छ ।

हिन्दू समुदायका विरुद्ध, उनीहरूको पहिचान विरुद्ध, संस्कृति तथा रितिरिवाज रिवाज विरुद्ध उपरोक्त घृणावादीहरूले दिएका असंख्य अपराधी प्रतिक्रियाहरू युट्यूव, फेसबुकजस्ता सामाजिक संजालहरूमा बग्रेल्ती उपलब्ध छन् । यी विखण्डनवादीहरूले ब्राह्मणक्षेत्री विरुद्ध विष बमन गर्दै जातीय सूचक शब्दहरू प्रयोग गरेर गालीगलौज गरेका थुप्रै सामग्री छन् । पुस्तकनै छपाएर ब्राह्मणक्षेत्रीहरू विरुद्ध अपमान जनक सामग्रीहरू बजारमा उपलब्ध छन् । –सायद धर्मनिरपेक्षताको आँखाले ‘यी गालीगलौज र जातीय घृणावाद’ पहिचानको लडाई नै हो ।
यसरी लेखिरह्न्दा एउटा जिम्मेदार नागरिकको हैसियतमा एउटा पनि ब्राह्मण–क्षेत्रीले दलित, रैथाने समुदाय वा अन्यलाई “जातिसूचक“ शब्दहरू प्रयोग गरेर गालीगलौज वा घृणावाद फैलाएको एउटा सामग्री देखाउन चुनौती दिन्छु । म भगवानसंग प्रार्थना गर्छु तथाकथित घृणावादी नेताहरूको गालीगलौजले सीमा नाघेर असजिलो नपरोस् । त्यो दिन घृणावादी र घृणावादलाई नै मानवाधिकार, पहिचान वा धर्मनिरपेक्षताका नाममा वास्ता नगर्ने सरकार पनि सुरक्षित रहने छैन । कृष्णले शिशुपालका १०८ गालीगलौज सहेर बसेका थिए तर १०९ औं गालीगलौजले कृष्णको चक्र चल्यो ।

यो देशको हरेक नागरिक ‘नेपाली’ हो । हामी सबै नेपाली नै हौँ । धर्म, जातपात, भाषा. लिंग र भूगोलका आधारमा हुने सबै प्रकारका भेदभावहरुको उन्मूलन अहिलेको संविधानले गरेको छ । यो संविधानले मुसाई वा अन्य रैथाने भनाउंदाहरूलाई पनि कुनै जातजाति, भाषा, संस्कृति, भूगोल वा लिंगका आधारमा घृणा गर्ने, घृणावाद फैलाउने र जातिसूचक शब्द प्रयोग गरेर गालीगलौज गर्ने, शरणार्थी भन्ने अधिकार दिएको छैन । आफ्नो लागि जिउने प्रयत्न गर्नुपर्छ, विदेशीको दलाली गरेर नेपाल बन्दैन । कुरा अलि कडा हो तर सामाजिक संजाल वा कितावमा ब्राह्मणक्षेत्री विरुद्ध (घृणावादीका शब्दमा आर्यशरणार्थी) गालीगलौज विढ़द देशको सरकार, पुलिस तथा न्यायालयहरूले संज्ञानमा लिएर सम्पूर्ण घृणावादीहरुलाई न्यायिक प्रक्रियाअनुसार दण्डित गर्ने व्यवस्था गर्नुपर्छ । यो देशमा एउटा नागरिकले अर्को नागरिकलाई ‘जतिसूचक घृणावाद’ फैलाउने कुनै व्यबस्था छैन । घृणावाद र गालीगलौज गर्दै छिमेकीलाई होच्याउनेहरू होसियार ! यदि देशमा अप्रिय घटनाको आरम्भ भयो भने घर, परिवार दूवैतिरको बिग्रिने छ । तिम्रो घृणावादले सबैभन्दा पहिले तिमीलाई नै जलाउने छ ।
हामी सबैको भलो होस् ।