वाग्मती प्रदेशका मुख्यमन्त्रीले पाए विश्वासको मत
हेटौंडा । वाग्मती प्रदेशका मुख्यमन्त्री शालिकराम जम्कट्टेलले विश्वासको मत प्राप्त गरेका छन् । शुक्रबार बसेको प्रदेशसभाको बैठकबाट उनले विश्वासको मत लिएका हुन् ।
मुख्यमन्त्री जम्कट्टेलको पक्षमा ६७ परेको थियो भने विपक्षमा १७ मत परेको थियो । जुन सदनमा उपस्थित सदस्य संख्याको बहुमत हो । ७ जना भने तटस्थ बसेका थिए ।
जम्कट्टेलको पक्षमा नेपाली कांग्रेस, माओवादी, नेकपा (एकीकृत समाजवादी) र हाम्रो नेपाली दलले मत दिएका थिए । प्रदेशसभामा कांग्रेस ३७, माओवादी केन्द्र २१, नेकपा (एकीकृत समाजवादी) ७ र हाम्रो नेपाली दलका २ सांसद रहेका छन् । त्यस्तै एमालेको २७, राप्रपा १३ र नेमकिपाका ३ सांसद रहेका छन् ।
