कांग्रेस केन्द्रीय कार्यसम्पादन समितिको बैठक बस्दै, राष्ट्रपतिको उम्मेदवारीबारे छलफल हुने
काठमाडौं । राष्ट्रपतिका उम्मेदवारकाबारेमा छलफल गर्नका लागि नेपाली कांग्रेसले केन्द्रीय कार्यसम्पादन समितिको बैठक बोलाएको छ । आज बिहान ११ बजे बस्ने बैठकमा राष्ट्रपतिको उम्मेदवारी दिने बारेमा कांग्रेसको औपचारिक धारणा सार्वजनिक गर्ने बताइएको छ ।
प्रधानमन्त्री पुष्पकमल दाहाल प्रचण्डसँग बुधवार भएको भेटमा निर्वाचन अघिको गठबन्धन व्यूताउने समझदारी भएपछि उत्साहित कांग्रेसले आज बस्ने कार्यसम्पादन समितिको बैठकबाट राष्ट्रपतिको उम्मेदवारी दिने औपचारिक निर्णय गर्नेछ ।
