काठमाडौं । भारतीय बुद्धिजीवी एसडी मुनीले नेपालमा राष्ट्रपतिको उम्मेदवारमा राष्ट्रिय सहमति खोज्नुपर्ने माग जायज भएको भन्दै चार जना उम्मेदवार प्रस्तुत गरेका छन् ।
राष्ट्रपति उम्मेदवारलाई लिएर नेपालमा दलहरुबीच रस्साकस्सी चलिरहेका बेला सोमबार सामाजिक संजालमार्फत मुनीले राष्ट्रपतिका लागि चार जना उम्मेदवारको नाम उल्लेख गरेका हुन् । उनले राष्ट्रपतिका लागि नागरिक अगुवा देवेन्द्रराज पाण्डे, प्रा. लोकराज बराल, पूर्वसभामुख दमननाथ ढुंगाना र अनुराधा कोइराला योग्य भएको उल्लेख गरेका हुन् ।
फागुन २५ गते राष्ट्रपतिको निर्वाचन हुँदैछ । त्यसका लागि फागुन १३ गते उम्मेदवारी दर्ताको कार्यक्रम छ । तर सत्तारुढ दलहरुबीच नै राष्ट्रपतिको उम्मेदवारका विषयमा विभिन्न मत बाहिर आएका छन् ।
Demand in Nepal for a consensual new President sounds valid. Non-partisan persons of impeccable integrity and political sensitivity like Davendra Raj Pandey, Prof Baral, Daman Dhungana, Anuradha Koirala deserve to be considered by the political class.
— SUKH DEO MUNI (@SDMUNI) February 20, 2023
प्रतिक्रिया