रास्वपाले सरकारकाबारेमा आइतबार निर्णय गर्ने
काठमाडौं । राष्ट्रिय स्वतन्त्र पार्टीको बैठक बिनानिष्कर्ष टुंगिएको छ । सरकारकाबारेमा निर्णय गर्न बसेको बैठक विना निष्कर्ष टुंगिएको हो ।
पार्टी नेता विराजभक्त श्रेष्ठले बैठकमा प्रधानमन्त्रीको प्रस्तावकाबारेमा सभापतिले सामान्य जानकारी गराएको र आइतबार बिहान ११ बजे पुनः बैठक बस्ने जानकारी दिए । आजको बैठकले सरकारलाई दिएको समर्थन फिर्ता लिने विषयमा निर्णय गर्ने भनिएको थियो ।
तर, केही सांसदहरु र शीर्ष नेता काठमाडौं उपत्यकाबाहिर रहेकाले आजको बैठकले निर्णय नगरिएको बताइएको छ ।
शनिबार प्रधानमन्त्री पुष्पकमल दाहाल प्रचण्डले रास्वपालाई गृह मन्त्रालयको सट्टा भौतिक पूर्वाधार तथा यातायात मन्त्रालय लिन र सरकारमै रहन आग्रह गरेका थिए । रास्वपाले यसअघिको बैठकबाट गृह मन्त्रालय पुनः आफैँले पाउनुपर्ने अडान राखेको थियो ।
