गृहमन्त्री नियुक्तिकाबारेमा ओली-प्रचण्डबीच छलफल
काठमाडौं । प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच भेटवार्ता भएको छ । प्रधानमन्त्रीलाई भेट्न एमाले अध्यक्ष ओली शनिबार बिहान बालुवाटार पुगेका हुन् ।
भेटमा उनीहरुबीच गृहमन्त्री नियुक्त तथा पछिल्लो राजनीतिक घटनाक्रमका बारेमा छलफल भएको बताइएको छ । गृहमन्त्री नपाए सरकार छाड्ने चेतावनी दिएको राष्ट्रिय स्वतन्त्र पार्टीलाई दुबै नेतालाई दुई दिन पर्खन आग्रह गरेका थिए । त्यसै सन्दर्भमा प्रधानमन्त्री र ओलीबीच कुराकनी भएको बताइएको छ ।
ओली रास्वपलाई गृहमन्त्री दिनुपर्ने बताउँदै आएका छन् भने प्रधानमन्त्री रवि लामिछानेको सर्वोच्च अदालतको फैसलाको पूर्णपाठ नआएसम्म नदिने पक्षमा छन् । आजको भेटमा पनि ओलीले रास्वपलाई गृहमन्त्री दिन प्रधानमन्त्रीलाई दवाव दिएको बताइएको छ ।
