यो सरकारमा कांंग्रेस सहभागी हुँदैनः उपसभापति खड्का
काठमाडौं । नेपाली कांग्रेसका उपसभापति पूर्णबहादुर खड्काले एमाले सम्मिलित वर्तमान सरकारमा कांग्रेस सहभागी नहुने बताएका छन् ।
बिहीबार एमाले अध्यक्ष केपी शर्मा ओलीले कांग्रेस गृहराज्यमन्त्री पाए सरकारमा आउने भन्दै दिएको अभिव्यक्तिको प्रतिवाद गर्दै उपसभापति खड्काले यस्तो बताएका हुन् । उनले यस्ता भ्रमबाट मुक्त हुन आग्रहसमेत गरेका छन् ।
खड्काले भनेका छन्, ‘नबोलुँ भनेको फेरि बोल्नै पर्ने भयो । एमाले सम्मिलित वर्तमान सरकारमा नेपाली कांग्रेस सहभागी हुने भन्ने कुरा संचारमाध्यममा जहाँ जसरी सम्प्रेषण भएको भए पनि यो सम्भव छैन । कांग्रेस सहभागी हुदैन । सबै ढुक्क हुनुस्,यस्ता सबै खाले भ्रमबाट हामी सबै सम्बन्धितहरु मुक्त हुन जरुरी छ।’
