आफ्ना पार्टी पङ्क्तिबाहिरका तपाइँका प्रशंसकहरूलाई निराश र लज्जित पो बनाइरहनु भएको छ कि ?

केशवप्रसाद भट्टराई ।

१. खुला र उदार प्रजातान्त्रिक समाजमा एम अधिकारी को हुन् ? भनेर प्रश्न गर्ने अधिकार हरेक नेपाली नागरिकलाई छ आदरणीय ओलीजी ! जो कुनै नागरिकको त्यो अधिकारलाई चुनौती दिन सकिन्न । आफू प्रतिरक्षात्मक हुने उद्देश्यले कुनै न्यायाधीश काङ्ग्रेसको कुनै विभागमा छन् भनेर थोकमा भनेर पुग्दैन, त्यो यो व्यक्ति हो भनेर पनि भन्न सक्नु पर्दछ ।

२. स्थानीय चुनावमा तपाइँहरू पराजित हुनुहुन्न । तर निर्वाचन पछि तपाइँहरू आत्म विश्वास गुमाए जस्तो गरेर , बढी उत्तेजित भएर, बढी आक्रामक भएर, बढी नकारात्मक भएर आफ्नो विजयलाई सम्मान गर्न सकिरहनु भएको छैन ।बरु गोकुल बास्कोटा र महेश बस्नेतहरू बढी सौम्य, सन्तुलित, संयमित र जिम्मेवार भएर प्रस्तुत हुने गरेका देखिन्छन् ।

३. वर्तमान समयमा तपाइँ जत्तिको लोकप्रिय व्यक्ति नेपाली राजनीतिमा सम्भवत छैनन् । तर तपाइँ बेला बेलामा विवादित र अप्रमाणित कुरा त गर्दै नै हुनुहुन्थ्यो आज आएर पृथ्वीनारायण शाहको दिव्य उपदेशको प्रामाणिकतामाथि पनि प्रश्नगर्दै हुनुहुन्छ ।
यसले आफ्ना पार्टी पङ्क्तिबाहिरका तपाइँका प्रशंसकहरूलाई निराश र लज्जित पो बनाइरहनु भएको छ कि ?