प्रजातन्त्र दरबारमा लगेर बुझाउने देउवालाई क्रान्तिकारीहरूले गुरु थापे



धुलिखेल । नेकपा एमालेका महासचिव शंकर पोखरेलले प्रजातन्त्र दरबारमा लगेर बुझाउने नेपाली काँग्रेसका सभापति शेरबहादुर देउवालाई क्रान्तिकारीहरूले गुरु थापेको बताएका छन् ।

स्थानीय तहमा निर्वाचित जनप्रतिनिधिहरूका लागि नेकपा एमाले काभ्रेद्वारा शुक्रबार आयोजित प्रशिक्षण कार्यक्रममा महासचिव पोखरेलले भने–‘जोसँग सङ्घर्ष गर्नुछ उसैसँग गठजोड गरेर जानेहरू गद्दार हुन् ।’ उनले देउवासँग घाँटी जोडिरहेका नेताहरू कम्युनिष्ट आन्दोलनबाट विचलित भएको बताए । उनले गठबन्धनबाट देश नबन्ने बताए । ‘अहिलेको आवश्यकता राजनीतिक ध्रुवीकरण हो, गठबन्धन होइन’–महासचिव पोखरेलले भने–‘राजनीतिक परिवर्तनका लागि दलहरूको गठबन्धन आवश्यक छ तर मुलुक निर्माण र समृद्धिका लागि गठबन्धन उपयुक्त होइन । यो केवल सत्ताको लुछाचुँडी र अवसरवादको झुण्ड हो ।’

गठबन्धनले देश बनाउन नसक्ने भन्दै महासचिव पोखरेलले राष्ट्रभक्त, देशभक्तहरू एकैठाउँमा हुनु जरूरी भएकाले राजनीतिक ध्रुवीकरण आवश्यक रहेको बताए ।

‘मुलुकको विकास र समृद्धि एमालेले मात्रै गर्न सक्छ’–उनले भने,‘काँग्रेसको पछि लागेर समृद्धि सम्भव छैन । देश बनाउने हो भने नेकपा एमालेको नेतृत्व आवश्यक छ । एमालेले मात्रै नागरिकको जीवनको सुरक्षा गर्न सक्छ ।’

प्रशिक्षणमा नेकपा एमालेका पोलिटब्यूरो सदस्य एवं जिल्ला इन्चार्ज गोकुल बास्कोटाले जनप्रतिनिधिहरूले जनताको दुःख सुखमा एकाकार भएर काम गर्नुपर्ने बताए । पार्टीले टिकट दिएर निर्वाचित भए पनि सबै जनताको पक्षमा काम गर्न बास्कोटाले निर्देशन दिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
प्रदेश इन्चार्ज हेरफेरप्रति माओवादी नेताहरु असन्तुष्ट, कार्यविभाजन सही नभएको जिकिर

काठमाडौं । प्रदेश इन्चार्ज र सहइन्चार्जमा जिम्मेवारी हेरफेरलाई लिएर नेकपा माओावदी केन्द्रका नेताहरु

एमाले टिआरसी विधेयक पारित गर्ने पक्षमा छः अध्यक्ष ओली

विराटनगर । नेपाल कम्युनिष्ट पार्टी एमालेका अध्यक्ष केपी शर्मा ओलीले एमाले हाल ‘मिसन–८४’

माओवादीमा प्रदेश इञ्चार्ज र सहइञ्चार्जको जिम्मेवारी हेरफेर, आफूहरुप्रति पूर्वाग्रह राखिएको जनार्दन शर्माको गुनासो

काठमाडौं । प्रदेश इन्चार्ज र सहइन्चार्जमा जिम्मेवारी हेरफेरलाई लिएर नेकपा माओावदी केन्द्रका नेताहरु

माओवादीले राष्ट्रियसभा अध्यक्षमा उम्मेदवारी दिने

काठमाडौं । नेकपा माओवादी केन्द्रले राष्ट्रियसभा अध्यक्षमा उम्मेदवारी दिने निर्णय गरेको छ ।