हाम्रा नेताहरूलाई झोंक चल्छ, संसद विघटन गर्छ, अनि कहाँबाट राष्ट्रको आवाज उठ्छ ?



काठमाडौं । नेकपा (एकीकृत समाजवादी)का सम्मानित नेता झलनाथ खनालले संसदमा अवरोध भइरहँदा गैरसंसदीय प्रवृत्तिहरू मौलाउँदै गएको बताएका छन् ।

६४औं संसद दिवसका अवसरमा पूर्वसांसद मञ्चद्वारा बिहीबार काठमाडौंमा आयोजित कार्यक्रमलाई सम्बोधन गर्दै खनालले संसदलाई ठिक ढंगले नचलाउँदा, दलहरुले सही भूमिका निर्वाह नगर्दा गैरसंसदीय प्रवृत्तिहरू देखापर्ने बताएका हुन्।

खनालले भने, ‘कहिलेकाही हाम्रा नेताहरूलाई झोंक चल्छ, रिस उठ्छ, सनक चढ्छ, त्यसपछि संसद नै बन्द गरिदिन्छ अनि कहाँबाट राष्ट्रको आवाज उठ्छ ? जनताको आवाज उठाउनु छ, जनताबाट निर्वाचित भएर आइएको छ, संसद चल्नै नदिएपछि गैरसंसदीय प्रवृत्तिहरू मौलाउँछन्।’ संसद भनेको जनताबाट निर्वाचित व्यक्तिहरूको संस्था भएको उल्लेख गर्दै उनले विभिन्न देशमा संसदका अनेकौं रूपहरु विकसित भइरहेको बताए।

उनले संसारमा धेरैथरीका सांसद हुने तर समग्रमा जनताद्वारा निर्वाचित प्रतिनिधिहरूको संस्था वा फेरमका रूपमा संसदलाई बुझ्नुपर्ने बताए । उनले भने,‘जुन फोरमबाट देशको कानुन, देशको नीति निर्माण, देशको कार्यक्रम, देशको बजेट, देशको भविष्य निर्माण गर्ने काम हुन्छ, त्यो संसद हो ।’ अहिलेको संसदले लोकतन्त्रलाई अविच्छिन्न तरिकाले अगाडि लानुपर्ने, राष्ट्रियतालाई बचाउने कुरामा ध्यान दिनुपर्नेमा उनले जोड दिए।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
महिला अधिकार सुनिश्चित गर्नुपर्नेमा पूर्वराष्ट्रपति भण्डारीको जोड

  सुर्खेत । पूर्वराष्ट्रपति विद्यादेवी भण्डारीले महिला अधिकारलाई सुनिश्चित गर्न देशभरका महिला एक

राष्ट्रियसभा अध्यक्ष माओवादीलाई, यस्तो छ चार दलबीचको आठ बुँदे सहमति

काठमाडौं । नयाँ गठबन्धनमा आवद्ध चार राजनीतिक दलले आठबुँदे सहमति गरेका छन् ।

सरकारमा सहभागी हुन माधव नेपाललाई प्रधानमन्त्रीको आग्रह

काठमाडौं । प्रधानमन्त्री पुष्पकमल दाहाल प्रचण्ड नेकपा (एकीकृत समाजवादी)का अध्यक्ष माधव कुमार नेपाललाई

नयाँ समीकरणको उद्देश्य स्पष्ट भएपछि मात्रै एकीकृत समाजवादीले सरकारमा जानेबारे निर्णय गर्ने

  काठमाडौँ । नेकपा (एकीकृत समाजवादी) को सचिवालय बैठकले नयाँ गठबन्धनको गुण र