गठबन्धन सरकारले एसपीपीमा मुलुकलाई लैजाने खतरा कायमै छः केपी ओली



काठमाडौं । नेकपा एमालेका अध्यक्ष केपी शर्मा ओलीले अमेरिकाको स्टेट पार्टनरसिप प्रोग्राम (एसपीपी) आफ्नो समयमा ल्याइएको भनेर माओवादी अध्यक्ष प्रचण्डले गलत कुरा बोलेको बताएका छन् ।

मंगलबार मदन भण्डारीको ७१औं जन्मजयन्तीको अवसरमा मदन भण्डारी फाउन्डेसनले गरेको कार्यक्रममा एमाले अध्यक्ष ओलीले प्रचण्डतर्फ संकेत गर्दै यस्तो बताएका हुन् ।

उनले केपी ओलीको समयमा एसपीपी आएको, तर आफूले रोकेको भनेर प्रचण्डले राष्ट्रिय र अन्तर्राष्ट्रिय रुपमा ढाँटिरहेको बताए । उनले भने, ‘एकजना नेताले पटक–पटक भनिरहेका छन्, केपी ओलीको समयमा एसपीपी ल्याएको थियो। अन्तर्राष्ट्रिय रुपमा र राष्ट्रिय रुपमा ढाँटिरहेका छन्। केपी ओलीको समयमा ल्याएको थियो, मैले भूमिका खेलेर रोकियो भनेर भनिरहेका छन् । योभन्दा ढाँट र फट्याइँ कुरो के हुन्छ ?’

अध्यक्ष ओलीले एसपीपीका सन्दर्भमा गरिएको पत्राचारका सन्दर्भमा सत्यतथ्य बाहिर ल्याउन र वास्तविक पत्र सार्वजनिक गर्न सरकार र अमेरिकी दूतावासलाई आग्रह गरे । उनले यसबारेमा तत्कालीन प्रधानसेनापति राजेन्द्र क्षेत्रीबाट पनि यथार्थ जानकारी आउनुपर्ने बताए । अध्यक्ष ओलीले सुशील कोइरालाको पालामा स्वीकृति दिइएको एसपीपीलाई प्रचण्डले अघि बढाएको भन्दै आफू प्रधानमन्त्री भएको बेला कार्यदल बनाएर रोकेको दाबी गरे ।

अध्यक्ष ओलीले एसपीपीमा मुलुकलाई लैजाने खतरा कायमै रहेको र एमसीसीमा जस्तै यो गठबन्धन अर्को जाल लिएर एसपीपीमा सामेल हुने सम्भावना रहेको बताए ।

उनले भने, ‘मलाई थाहा नदिई कात्तिक १० मा सेनापतिको पत्र गयो भनिएको छ । तर त्यो पत्रको चलानी नम्बर टिपेक्स लगाएर हातले लेखिएको छ । पठाएको पत्रमा पनि हातले केरमेट गरेको छ । टिपेक्स लगाएर मेटेर हातले लेखिएको स्पष्ट हुन्छ । म सरकारलाई टिपेक्स नलगाएको ओरिजनल पत्र देखाउन चुनौती दिन्छु ।’

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
महिला अधिकार सुनिश्चित गर्नुपर्नेमा पूर्वराष्ट्रपति भण्डारीको जोड

  सुर्खेत । पूर्वराष्ट्रपति विद्यादेवी भण्डारीले महिला अधिकारलाई सुनिश्चित गर्न देशभरका महिला एक

राष्ट्रियसभा अध्यक्ष माओवादीलाई, यस्तो छ चार दलबीचको आठ बुँदे सहमति

काठमाडौं । नयाँ गठबन्धनमा आवद्ध चार राजनीतिक दलले आठबुँदे सहमति गरेका छन् ।

सरकारमा सहभागी हुन माधव नेपाललाई प्रधानमन्त्रीको आग्रह

काठमाडौं । प्रधानमन्त्री पुष्पकमल दाहाल प्रचण्ड नेकपा (एकीकृत समाजवादी)का अध्यक्ष माधव कुमार नेपाललाई

नयाँ समीकरणको उद्देश्य स्पष्ट भएपछि मात्रै एकीकृत समाजवादीले सरकारमा जानेबारे निर्णय गर्ने

  काठमाडौँ । नेकपा (एकीकृत समाजवादी) को सचिवालय बैठकले नयाँ गठबन्धनको गुण र