वामदेवको प्रश्नः देउवा प्रधानमन्त्री भएका बेला राष्ट्रघाती काम किन हुन्छ ?



काठमाडौँ । नेकपा एकता राष्ट्रिय अभियानका संयोजक वामदेव गौतमले तत्कालीन नेकपा जोगाउन नसक्नु आफ्नो पनि गल्ती भएको बताएका छन् ।

शनिबार नेकपा एकता राष्ट्रिय अभियानको राष्ट्रिय भेलालाई सम्बोधन गर्दै गौतमले आफू सुरुवातबाटै तटस्थ बसेको भए पार्टी विभाजित नहुने बताए । उनले भने, ‘मेरै कारणले तत्कालिन नेकपा पार्टी फुट्यो भन्ने आरोप लगाए । म गुटमा नलागेको भए पार्टी फुट्ने थिएन । मैले आत्मआलोचना गरेको छु ।’

उनले तत्कालीन नेकपा फुट्नुमा केपी ओली र पुष्पकमल दाहाल प्रचण्ड दुवै दोषी भएको बताए । उनले प्रधानमन्त्रीमाथि अविश्वास प्रस्ताव लैजानु प्रचण्डको दोष र संसद विघटन गर्नु ओलीको दोष भएको बताए । गौतमले प्रचण्डले पार्टीमा बुझाएको आरोपपत्र फिर्ता नलिएको कारण पार्टी विभाजन भएको बताए ।

आफू विभाजनप्रति नभई एकताको पक्षमा उभिएको भन्दै गौतमले यसका लागि नेकपाका सचिवालय सदस्य सबैले विचार पुर्याउन नसकेको बताए । उनले भने, ‘यो काम सचिवालयभित्रबाट पार्टी विभाजनअघि नै गर्नुपर्थ्यो, सबैले सक्नुहुन्थ्यो तर गर्नु भएन। मैले पनि गर्न सकिनँ।’ गौतमले सरकारले कम्युनिष्टहरुको दबाबका कारण अमेरिकासँगको सैन्य गठबन्धन (एसपीपी)रद्द गरेको दाबी गरे ।

उनले भने,’एसपीपी अमेरिकाको सैन्य गठबन्धन हो, त्यसमा नेपाली सेना सहभागी हुन सक्दैन ।’ उनले एमसीसी र एसपीपी दुवै कार्यक्रम अमेरिकको इन्डोप्यासिफिक रणनीति अन्तरगत भएको दाबी गरे ।

उनले शेरबहादुर देउवा प्रधानमन्त्री भएका बेलामा राष्ट्रघाती काम हुने गरेको बताए । उनले भने,‘एमसीसी, एसपीपी मुलुकका लागि राष्ट्रिघाती कार्यक्रम हुन् । एसपीपी लागु भए अमेरिकी सेना आउँछ। त्यसपछि नेपाल युद्ध भूमि बन्छ।’

 

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
जनताले महसुस गर्नेगरी काम गर्न गृहमन्त्री लामिछानेको निर्देशन

झापा । उपप्रधान एवं गृहमन्त्री रवि लामिछानेले जनतालाई परिवर्तनको अनुभूति हुनेगरी काम गर्न

अर्थ मन्त्रालयका सहसचिवको संयोजकत्वमा बजेट मस्यौदा लेखन समिति गठन

काठमाडौँ । अर्थ मन्त्रालयले आगामी आर्थिक वर्ष २०८१/८२ का लागि बजेट मस्यौदा लेखन

सुदूरपश्चिम प्रदेश सरकारलाई दिएको समर्थन फिर्ता नलिए कारबाही गर्ने नाउपा अध्यक्ष रञ्जिताको चेतावनी

धनगढी । नागरिक उन्मुक्ति पार्टीले सुदूरपश्चिम प्रदेश सरकारलाई दिएको समर्थन फिर्ता लिन संसदीय

सर्वोच्चद्वारा नेपाली कांग्रेसका सांसद गुरुङको निलम्बन फुकुवा

काठमाडौं । नेपाली कांग्रेसका सांसद टेकबहादुर गुरुङको निलम्बन फुकुवा भएको छ । शुक्रबार