अमेरिकामा इच्छाविपरीत जन्मदिनको पार्टी दिने कम्पनीलाई ४ लाख ५० लाख डलर जरिवाना



बीबीसी । अमेरिकामा आफू कार्यरत कम्पनीले आफ्नो इच्छाविपरीत जन्मदिनको पार्टी आयोजना गरिदिएको भन्दै मुद्दा हाल्ने एक व्यक्तिलाई ४ लाख ५० हजार डलर तिर्न कम्पनीलाई आदेश दिइएको छ ।

कन्टकीका ती व्यक्तिले जन्मदिन मनाउन आयोजना गरिने कार्यक्रमले आफूलाई उद्विग्न बनाउने र तनाव बढाउने भन्दै अरू कर्मचारीको जन्मदिनमा जस्तो आफ्नोमा उत्सव नमनाउन आग्रह गरेको दाबी गरेका छन् । सन् २०१९ मा ग्र्याभिटी डाइअग्नोस्टिक्समा आयोजना गरिएको पार्टीपछि आफूलाई पटकपटक अत्याहट भएको दाबी केभिन बर्लिङले गरेका छन् ।

बर्लिङले मुद्दामा अपाङ्गताका कारण आफूलाई भेदभाव गरिएको आरोप लगाएका थिए । तर रोजगारदाता कम्पनीले आफूले त्यस्तो कुनै अपराध नगरेको बताएको थियो ।

कन्टकीको केन्टन काउन्टीमा हालिएको मुद्दामा बर्लिङले आफ्ना प्रबन्धकलाई जन्मोत्सव मनाउने समारोहले आफूलाई अत्याहट हुने तथा बाल्यकालको नमिठो सम्झना आउने भएकाले त्यसो नगरिदिन अनुरोध गरेको दाबी गरेका थिए । तर उक्त कम्पनीले अगस्ट २०१९ मा बिना जानकारी उनको जन्मदिनको पार्टी आयोजना गरिदियो।

तत्कालै उक्त कार्यक्रमबाट बाहिर निस्किएर उनले आफ्नो गाडीमा दिउँसोको खाजा खाए । त्यसको भोलिपल्ट एउटा बैठकमा उनको आलोचना गरिएको तथा आफ्ना “सहकर्मीको खुसी”प्रति बेवास्ता गरेको तथा “सानी केटीजस्तो” भएको आरोप लगाइएको मुद्दामा उल्लेख छ ।

त्यसको केही दिनपछि कोभिड–१९ परीक्षण गर्ने ग्र्याभिटी डाइअग्नोस्टिक्सले उनलाई कार्यस्थलको सुरक्षाको कारण देखाउँदै जागिरबाट हटायो । मुद्दामा उनले कम्पनीले आफूलाई अपाङ्गताका कारण भेदभाव गरेको र अनुरोध मानियोस् भन्दा अन्यायपरक रूपमा कारबाही गरेको दाबी गरेका थिए ।

यो वर्ष मार्चको अन्त्यतिर दुई दिनको सुनुवाइपछि जुरीले उनलाई ४ लाख ५० हजार डलर तिर्न कम्पनीलाई आदेश दिएको छ । त्यसमध्ये १ लाख ५० हजार डलर तलबबापत र बाँकी ३ लाख डलर भावनात्वक पीडाका लागि भएको जनाइएको छ ।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
पेट्रोलियम पदार्थको मूल्य घटेसँगै अन्य वस्तु र सेवामा पनि मूल्य घट्नु आवश्यक छ : उद्योमन्त्री बडू

काठमाडौं । उद्योग, वाणिज्य तथा आपूर्ति मन्त्री दिलेन्द्रप्रसाद बडूले विभिन्न वस्तु तथा सेवामा

राजस्व हिनामिना गरेको आरोपमा रौतहटका एक मेयरसहित २१ जनाविरुद्ध भ्रष्टाचार मुद्दा दायर

काठमाडौँ । अख्तियार दुरुपयोग अनुसन्धान आयोगले रौतहटको फतुवा विजयपुर नगरपालिकाका मेयरसहित २१ जनाविरुद्ध

भागदौड मच्चिँदा दक्षिण अफ्रिकाको रात्रि क्लबमा कम्तीमा १७ जनाको मृत्यु

दक्षिण अफ्रिकाको इस्ट लन्डन सहरको एउटा रात्रिकालीन क्लबमा कम्तीमा १७ जनाको शव फेला

मैले पार्टीको नेतृत्वबाट मात्र राजीनामा दिएको हो, राजनीतिबाट होइन

रवीन्द्र मिश्र । मेरो मौनताबाट कतिपय शुभेच्छुकहरूमा म कतै राजनीतिबाटै बाहिरिन लागेको हुँ