‘राजतन्त्र पुनःस्थापनाको चर्चा चल्नुमा एमाले, कांग्रेस र माओवादीनै कारक हुन्’

ऋषि कट्टेल ।
राप्रपाको अधिवेशनमा लिगदेनको विजयपछि राजतन्त्र पुनःस्थापनाको निकै चर्चा चलेको छ । अर्थात् दरवारका दलालहरुमा अलि चुरिफुरी वढेको छ । कमल थापाले आफूलाई हराउन राजदरवार लागेको आरोप लागएका छन् भने राजेन्द्रले राजावादी पार्टीमा राजाले हस्तक्षेप नगरे ओलीले गर्छन् त ? भनेर जवाफ फर्काएका छन् । यसपटकको घटनाले के प्रष्ट गर्दछ भने ज्ञानेन्द्र शाह छद्दम रुपमा राजतन्तन्त्रको पक्षमा वातावरण वनाउन क्रियाशील रहेको देखिन्छ । राप्रपा मात्र हैन नेपालका नेपाली, साझा पार्टी लगायत कतिपय हिन्दूवादी संगठनहरु ज्ञानेन्द्र शाहको लगानीमा नै चलेका छन् भन्ने प्रष्ट छ । ज्ञानेन्द्र शाह अहिले निकै उत्साहित भएर क्रियाशील भएको कुरा स्वयं राजावादी कमल थापाले सार्वजनिक गरिसकेपछि अरु तथ्य खोज्न लाग्न परेन ।

यस्तो अवस्था सिर्जना हुनु अर्थात् ज्ञानेन्द्र शाह र यसका भरौटेहरुको दुश्साहस बढ्नुमा मुख्यरुपमा कांग्रेस, एमाले यसको सहउत्पादन नेकपा एस र माओवादी केन्द्र दोषी छन् । यिनले कमल थापाहरुलाई बोकेका छन् । लिङदेनलाई एमालेनै चुनाव जिताएको हो । दाहालले हितराज पाण्डेलाई मन्त्रीवाट हटाएर कमल थापा बोकेको सवैले देखेकै छन् । राप्रपाको अधिवेशनमा शुभकामना दिन कुदेका छन् । एउटा प्रतिगामी दललाई शुभकामना दिन दौडनुको अर्थ हुन्छ उसको एजेण्डालाई समर्थन गर्नु । यस्तै आडभरोसामा गणतन्त्रविरोधीहरु चलमलाएका छन् । नेपाली जनताले निकै ठूलो त्याग र वलिदानवाट ल्याएको गणतन्त्रविरुद्ध षडयन्त्र गर्नेहरुले निकै महंगो मूल्य चुकाउनु पर्नेछ । बेलैमा चेतना भया ।