‘सबै मानिसलाई बूस्टर डोज आवश्यक पर्दैन’



कोरोनाभाइरसविरुद्धको खोप निर्माण गर्नेमध्येकी एकजना अक्सफर्डकी वैज्ञानिकले सबै मानिसलाई उक्त खोपको बूस्टर मात्रा अर्थात् अतिरिक्त मात्रा आवश्यक नपर्ने बताएकी छन् । बरु अक्सफर्ड–आस्ट्राजेनेकाको खोप आवश्यक परेका देशमा उक्त खोप पठाउन उनले आह्वान गरेकी छन् ।

प्रा. डेम सेरा गिल्बर्टले ब्रिटेनको डेली टेलिग्राफ पत्रिकासँग कुरा गर्दै रोग प्रतिरोध क्षमता कमजोर भएका केही व्यक्तिलाई मात्रै अक्सफर्डको कोभिड खोपको तेस्रो अर्थात् बूस्टर मात्रा आवश्यक पर्न सक्ने तर पूर्ण मात्रा खोप लगाएका धेरै मानिसहरूमा रोग प्रतिरोधी क्षमता लामो समयसम्म कायम रहने बताएकी हुन् ।

‘हामीले खोप त्यस्ता देशहरूमा पठाउन जरुरी छ जहाँ हालसम्म पनि थोरै मानिसहरूले मात्र खोप प्राप्त गर्न सकेका छन्,’ उनले भनिन् । पूर्ण मात्रामा कोभिड खोप लगाइसकेकाहरूलाई अझ थप तेस्रो मात्रा पनि आवश्यक पर्छ वा पर्दैन भन्ने विषयमा यूकेको खोपसम्बन्धी सल्लाहकार निकायले छिटै नै आफ्नो अन्तिम निर्णय प्रस्तुत गर्दैछ ।

खोपसम्बन्धी मामिलाको संयुक्त समिति जेसीभीआईले रोग प्रतिरोधी क्षमता एकदमै कमजोर भएका मानिसहरूलाई कोभिड खोपको तेस्रो मात्रा दिनु पर्ने प्रस्ताव गरिसकेको छ ।

वेलायतमा त्यस्ता मानिसहरूको सङ्ख्या पाँच लाखजति रहेको अनुमान छ । तर त्यस्तो थप मात्राको खोप अझ व्यापक रूपमा आवश्यक पर्छ वा पर्दैन, पर्ने भएमा को–को त्यसका लागि योग्य हुनेछन् भन्ने विषयमा केही पनि निर्णय भएको छैन । ब्रिटेनका स्वास्थ्यमन्त्री साजिद जाविदले बिहीबार बोल्दै आफूले जेसीभीआईको अन्तिम निर्णयको प्रतीक्षा गरिरहेको र बूस्टर खोप कार्यक्रम यसै महिनाको अन्त्यदेखि आरम्भ गर्न सकिनेमा आफू विश्वस्त भएको बताएका थिए ।

जेसीभीआईले गत जुलाईमा सुझाएको अन्तरिम सल्लाहबमोजिम यूकेमा तीन करोड मानिसहरूले कोभिड खोपको तेस्रो मात्रा लिनुपर्ने र तिनमा ५० वर्षभन्दा बढी उमेर समूहका सबै वयस्क पर्ने बताइएको थियो।

सन् २०२० को आरम्भदेखि नै कोरोनाभाइरसविरुद्धको अक्सफर्ड–आस्ट्राजेनेका खोप निर्माण गर्न सुरु गरेकी खोपविज्ञ डेम सेरा भन्छिन्ः बूस्टर मात्रा आवश्यक पर्छ कि पर्दैन भन्ने बारेको निर्णय एकदमै सावधानीपूर्वक गर्न आवश्यक छ।

टेलिग्राफसँगको अन्तर्वार्तामा उनले भनेकी छन्, ‘हामीले प्रत्येक अवस्थालाई ध्यान दिएर हेर्नेछौँ। जस्को रोग प्रतिरोधी क्षमता निकै कमजोर छ र उमेर पनि बढी छ उसले बूस्टर मात्रा पाउँछ।’

‘तर सबै जनालाई बूस्टर वा थप मात्रा आवश्यक पर्छ जस्तो म ठान्दिनँ। बहुसङ्ख्यक मानिसहरूमा रोग प्रतिरोध क्षमता लामो समयसम्म टिकिरहेको छ।’ अक्सफर्ड भ्याक्सीन समूहका निर्देशक प्राध्यापक एन्ड्रू पोलर्डले बीबीसीको रेडिओ फोरको टुडे कार्यक्रमसँग कुरा गर्दै यूकेमा मानिसहरूलाई कोरोनाभाइरसबाट उच्च तहको सुरक्षा प्राप्त भएको बताएका छन् ।

खोप लिइसकेका मानिसमा उक्त भाइरसप्रतिको प्रतिक्रियाको स्तर घटेको जस्तो देखिएपनि उक्त सुरक्षाको अवस्था कायम रहेको उनको भनाइ थियो । वेलायतमा १६ वर्षमाथिको उमेरका जनसङ्ख्याको ८८.८ प्रतिशत अर्थात् चार करोड ८३ जनाभन्दा बढीले कोभिड खोपको पहिलो मात्रा लगाइसकेका छन् भने चार करोड ३७ लाखले दुवै मात्रा लगाएका छन् ।
बीबीसीबाट

 

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
पूर्वराजा ज्ञानेन्द्रले बुझ्न नसकेको र चोलेन्द्रले नसिकेको पाठ

सुरेश आचार्य । ‘इतिहास दोहरिन्छ’ भनेको हो रहेछ ! तत्कालीन राजा ज्ञानेन्द्रले आन्दोलनकारी

सुडानमा ‘सैन्य कू’ को विरोधमा व्यापक प्रदर्शन, सात प्रदर्शनकारीको मृत्यु

सुडानमा सैन्य कूको विरोध गर्ने भिडमाथि सेनाले गोली चलाउँदा कम्तीमा सात जना मारिएका

आज एमालेको पालिकास्तरमा अधिवेशन, ओलीले भर्चुअलरुपमा उद्घाटन गर्ने

काठमाडौं । नेकपा एमालेले आज  देशभरका स्थानीय पालिका स्तरका कमिटीको अधिवेशन गराउँदैछ ।

दक्षिण कोरियाले इरानलाई कोभिडविरुद्धको १० लाख डोज खोप दिने

दक्षिण कोरियाले इरानलाई कोभिड विरुद्धको खोप प्रदान गर्ने भएको छ । कोरियाको विदेश