खोप नदिनका लागि विदेशी सरकार र कम्पनीलाई लबिङ् प्रधानमन्त्रीका रूपमा आफ्नै पनि बेइज्जती हो !
नारायण गाउँले ।
केही नेताले अहिले खोप नदिनका लागि विदेशी सरकार र कम्पनीलाई लबिङ् गरिरहेको ओलीले दाबी गरेछन् । यो सानोतिनो आरोप होइन र सामान्य व्यक्तिले लगाएको आरोप पनि होइन ।
यस्तो अपराध भएको छ भने ‘नेमिङ् एन्ड सेमिङ्’ गर्नु सरकार र उनको दायित्व हो । जनस्वास्थ्यको क्षेत्रमा यति जघन्य अपराध कसैले गर्दै छ भने त्यसबारे आम जनताले थाहा पाउनु र बहिष्कार गर्नु जरूरी छ ।
दिमाग नखुस्केको व्यक्तिले प्रधानमन्त्रीको कुर्सीमा बसेर बिना कुनै आधार यति सस्तो आरोप पक्कै पनि लगाउँदैन । कुनै पनि विदेशी मुलुकले यति संवेदनशील महामारीमा त्यस्तो अमानवीय आग्रह गर्नेहरूलाई पक्कै संरक्षण गर्दैनन् पनि । यो देशकै लागि लज्जाको विषय हो ।
सूचना, तथ्य र आधारमा टेकेर गरिएको दाबी भए तुरुन्त कारबाही होस् ! कम्तिमा नामसम्म प्रमाणसहित सार्वजनिक भयो भने पनि जनता आफैले कारबाही गर्नेछन् । सोच्न पनि नसकिने यस्तो अपराधबारे केही तालीको लोभमा देशको प्रधानमन्त्रीले हावामैं बोलेको हो भने धिक्कार छ ! यो नेताको मात्रै होइन, देशकै बेइज्जती हो र प्रधानमन्त्रीका रूपमा आफ्नै पनि बेइज्जती हो !
