काठमाडौं । विश्व स्वास्थ्य संगठन (डब्लूएचआ)ले नेपालको मुस्ताङमा कोरोना खोप लगाउन स्वास्थ्यकर्मीले गरेको प्रयासको प्रशंसा गरेको छ । डब्लूएचओका महानिर्देशक डाक्टर टेड्रोस एड्हानोम गेहब्रेयसले स्वास्थ्यकर्मीहरु नायक हुन् भन्दै प्रशंसा गरेका हुन् ।
जेठ १ गते मुस्ताङको छापताङ् खोलामा बाढी आएर तर्न नसकेपछि स्वास्थ्यकर्मीले पाइपको सहाराले खोप राख्ने भाँडोलाई पारी तारेको भिडियो हेरेपछि उनले यस्तो बताएका हुन् । उनले लेखेका छन्, ‘स्वास्थ्यकर्मीहरु जीवन रक्षाका लागि कति टाढासम्म जाँदैछन्, यो हाम्रो शक्ति र कर्तव्य हो ।’
असार १ गते कोरोना खोपको दोस्रो डोज लगाउने तालिका रहेको र स्थानीय स्वास्थ्यचौकीमा ६० वर्षमाथिका जेष्ठ नागरिकलाई बोलाइसकिएको थियो । तर, कोल्डस्टोरमा रहेको खोप ढुवानी गर्ने क्रममा स्थानीय छापताङ खोलामा बढेर आएपछि स्वास्थ्यकर्मीले पाइपको सहाराले खोप राखिएको बाकस तारेका थिए ।
यो दृश्यलाई स्थानीय स्वास्थ्य चौकीमा कार्यरत कर्मचारीले खिचेकी थिइन् । सामाजिक सञ्जलामा चर्चामा रहेको यही भिडियो डब्लुएचओका महानिर्देशकले ट्वीट गरेका हुन् ।
This is how far #healthworkers go to save lives. Is it fair that in many places these heroes have still not been vaccinated?
It is in our power and our duty to do everything we can to deliver #VaccinEquity! If not now, when?https://t.co/Dm1YVbc9uB
— Tedros Adhanom Ghebreyesus (@DrTedros) June 17, 2021
प्रतिक्रिया