थप ४६२४ जनामा कोरोना संक्रमण, ८६६३ जना संक्रमणमुक्त

काठमाडौं । नेपालमा थप ४६२४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ४६२४ जनामा संक्रमण पुष्टि भएको छ । योसँगै नेपालमा कोरोना संक्रमितको संख्या ५८१५६० पुगेको छ ।

त्यस्तै पछिल्लो २४ घण्टामा थप ८६६३ जना संक्रमणमुक्त भएका छन् । योसँगै कोरोना संक्रमणमुक्त हुनेको संख्या ४७६१३० पुगेको छ । कोरोना संक्रमणबाट थप १०१ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या ७७३१ पुगेको छ । क्वारेन्टाइनमा ७५५ जना छन् भने आइसोलेसनमा ९७६९९ सक्रिय संक्रमित रहेका मन्त्रालयले जनाएको छ ।