त्यो न्यायदाताको, भगवान सरहको सर्वोच्च स्थानको गरिमा र मर्यादा कहाँ पुग्ला श्रीमान् ?
केशवप्रसाद भट्टराई ।
न्यायाधीशहरू न्यायदाता हुन्, भगवान सरह हुन्, कानुन अधिकृत मात्रै होइनन् श्रीमान् !
१. न्यायालय भनेको जनताको आस्था र विश्वासको मन्दिर हो !
पुजास्थल सरह हो !
न्यायाधीशहरू न्यायदाता हुन्,
न्यायदाता भनेका भगवान हुन् ,
भगवान सरह हुन्,
संविधान र कानुनका धारा र दफा घोकेर फाइल अघि बढाउने कानुन अधिकृत मात्रै होइनन् श्रीमान् !
२. आफ्ना सहयोगीहरूसम्मलाई न्याय दिन नसक्ने,
२० वर्ष ३० वर्ष को लामो करियर जजको अनुभव बोकेका ठूलो निष्ठा र प्रतिवद्धता प्रदर्शन गर्दै स्वच्छ र सक्षम छवि निर्माण गरेका व्यक्तिलाई पनि कनिष्ठको नाउमा भेदभाव, पक्षपात र तेजोवध भोग्न वाध्य पार्ने श्रीमान् र श्रीमानहरूले आमजनतालाई न्याय दिन्छन् भनेर कसरी विश्वासगर्ने होला ?
३. अनि सडक, मिडिया, झगडिया र वकिलहरूको मादलको तालमा नाच्न रमाउनेहरूबाट,
झगडिया बोकेका वकिलहरूसँग बसेर सम्झौतागरेर,
कसैले धम्क्याएको –थर्काएको भरमा बेञ्च र इजलास गठन गर्ने नजीर कायम गर्दा ,
त्यो न्यायदाताको, भगवान सरहको सर्वोच्च स्थानको गरिमा र मर्यादा कहाँ पुग्ला , श्रीमान् ?
यसैगरी काम हुन्छ हो अदालतमा ?
यस्तै अड्डालाई न्यायालय भन्छन् हो ?
४. गल्ती भएको छ भने श्रीमानबाट भएको छ ।
श्रीमानबाट भएको गलत निर्णयमा कोही अर्को किन पीडित हुनु पर्ने ?
