थप ६७१४ जनामा कोरोना संक्रमण, ६७१६ जना संक्रमणमुक्त

काठमाडौं । नेपालमा थप ६७१४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पीसीआर विधिबाट गरिएको परीक्षणमा ६६७७ र ३२२ जनाको एन्टिजेन विधिबाट गरिएको परीक्षणमा ३७ जनामा संक्रमण पुष्टि भएको छ । जसमा काठमाडौंमा ११३९ जनामा, भक्तपुरमा ११३ र ललितपुरमा २४१ जनामा संक्रमण पुष्टि भएको छ ।

त्यस्तै पछिल्लो २४ घण्टामा थप ६७१६ जना कोरोना संक्रमणमुक्त भएका छन् । त्यस्तै पछिल्लो २४ घण्टामा कोरोना संक्रमणबाट थप १४५ जनाको मृत्यु भएको छ । क्वारेन्टाइनमा ८५३ जना छन् भने आइसोलेसनमा एक लाख १७ हजार सक्रिय संक्रमित रहेका मन्त्रालयले जनाएको छ ।