व्यवस्थालाई बारम्बार हि: हि: गरेर उडाउँदा कत्ति पनि ग्लानि नहुने किन होला ?
नारायण गाउँले ।
हुँदा हुँदा नयाँ प्रधानमन्त्री छान्ने निर्णय र प्रक्रिया पनि ओली आफैले नै सुरु गरेछन् । ओलीको निर्देशन अनुसार राष्ट्रपतिले सूचना जारी गरिछन् ।
राष्ट्रपति भन्ने संस्थाले यसरी घोषित रूपमैं संविधान र आफ्नो कर्तव्य बिर्सेर लाचार छायाँ बनेको किन होला ?
दुई जना मिलेपछि जे गरे पनि हुन्छ भन्ने लागेको हो कि ?
प्रधानमन्त्रीले राजीनामा दिएपछि राष्ट्रपतिले नयाँ सरकार गठनको प्रक्रिया सुरु गर्नुपर्ने होइन ? के यो काम मन्त्रिपरिषदको हो ? त्यो पनि घण्टा र मिनेट तोकेर ?
व्यवस्था र प्रक्रियाका लागि भनेर दशकौं आन्दोलन गर्ने, देशलाई बर्सौं पछाडि धकेल्ने, अनि बल्लबल्ल बन्न लागेको व्यवस्थालाई बारम्बार हि: हि: गरेर उडाउँदा कत्ति पनि ग्लानि नहुने किन होला ?
