रवीन्द्र मिश्र र विवेकशील साझा पार्टी बारे !
केशवप्रसाद भट्टराई ।
नेपालका अधिकांश समस्या र चुनौतीसँग सामना गर्ने दृष्टिकोणको सवालमा रवीन्द्र मिश्रजति स्पष्ट छन्, त्यति सम्भवत नेपाली राजनीतिमा साह्रै कम व्यक्ति छन् ।
उनको क्षमतामा प्रश्न गर्नै सकिन्न ! देखेका, जानेका, बुझेका र पढेका छन् । तर नेपालको परिवेशमा उनका लागि सिंहदरबार नजिक नहोला ।
तर उनले मेचीदेखि महाकालीसम्मका पाँचवटा नगरपालिका, पाँचवटा गाउँपालिका, पाँचवटा निर्वाचन क्षेत्रलाई मात्रै लक्षमा राखेर अघि बढे , त्यहाँ सफलता आर्जन गरेर तिनलाई केन्द्र बनाएर अनि क्रमशः सिङ्गो राष्ट्रलाई लक्ष बनाएर अघि बढ्दा हुन्थ्यो होला भन्ने लाग्दछ ?
शायद उनीहरू त्यही बाटोमा होलान् पनि ।
हुन त म न राजनीतिक व्यक्ति परें न सांगठानिक क्षमता भएको व्यक्ति ––त्यसैले धेरै कुरा बुझ्दिन । तर यति मात्रै थाहा छ, उनी जस्तै सफा र स्पष्ट दृष्टिकोण भएको व्यक्ति नेपालको राजनीतिले मागेको छ । आफ्नो लामो भावनात्मक लगाव वा अभाव जे भन्नोस् त्यस कारण मेरो पुस्ताले त उनको दललाई भोट नहाल्ला तर मलाई थाहा छ आजका नयाँ पुस्तासँग म मा जस्तो जस्तो अतीतमुखी भावनात्मक लगाव वा अभाव नभएकाले उनीहरूका यावत प्रश्नको उत्तर रविन्द्र मिश्र र उनको दलसँग छ कि ?
