विश्वमा ९ करोड ८६ लाख भन्दाबढी मानिस कोरोनामुक्त
विश्वमा कोरोना संक्रमितमध्ये नौं करोड ८६ लाख ५३ हजार ६४० जना कोरोनामुक्त भएका छन् । पछिल्लो २४ घण्टामा ५ लाख ४० हजार भन्दा बढीमा संक्रमण पुष्टि भएसँगै संक्रमितको संख्या १२ करोड २३ लाख ५९ हजार ४ सय ८९ जना पुगेको छ । ।
संक्रमितमध्ये २७ लाख २ हजार ४ सय ७८ जनाको मृत्यु भइसकेको छ । पछिल्लो २४ घण्टामा १० हजार ४ सय भन्दाबढीको मृत्यु भएको छ । हाल विश्वमा दुई करोड १० लाख ३ हजार भन्दा बढी सक्रिय संक्रमित छन् ।
कोरोना भाइरसबाट सबैभन्दा बढी प्रभावित अमेरिकामा हालसम्म ३ करोड ३ लाख ५८ हजार भन्दा बढी मानिस संक्रमित भइसकेका छन् । संक्रमितमध्ये २ करोड २५ लाख भन्दा बढी संक्रमणमुक्त भएका छन् भने पाँच लाख ५२ हजार ४ सय ७० जना संक्रमितको मृत्यु भएको छ ।
यस्तै, छिमेकी मुलुक भारतमा हालसम्म एक करोड १५ लाख १३ हजारभन्दा बढी संक्रमित भएका छन् । संक्रमितमध्ये एक करोड १० लाख ८१ हजारभन्दा बढी संक्रमणमुक्त भएका छन् भने कोरोनाबाट मृत्यु हुनेको संख्या एक लाख ५९ हजार ४ सय ५ जना पुगेको छ।
