जसपा सत्तारूपी जुवा खालको च्याँखेदाउ थाप्ने खेलाडी हैनः बाबुराम भट्टराई

काठमाडौं । पूर्वप्रधानमन्त्री डा. बाबुराम भट्टराईले जनता समाजवादी पार्टी कसैको पुच्छर नभई आफैं देशको नेतृत्व गर्ने शक्ति भएको बताएका छन् । सामाजिक संजाल ट्वीटरमार्फत भट्टराईले जसपा कसैको पुच्छर बनेर सत्तामा नजाने बताएका हुन् ।

उनले लेखेका छन्, ‘जसपाबारे जान्नैपर्ने कुराः १. यो तासको जोकर वा सत्तारूपी जुवाको खालको च्याँखेदाउ थाप्ने खेलाडी हैन; बरू परम्परागत राजनीतिको अग्रगामी विकल्प हो ।२ .गणतन्त्र,.संघीयता, धर्मनिरपेक्षता र समावेसी लोकतन्त्र विरूद्ध कसैसँग सम्झौता गर्दैन । ३. यो कसैको पुच्छर हैन,आफै देशको नेतृत्व गर्ने शक्ति हो ।