वामदेव पार्टी एकताको निम्ति आह्वान गर्ने नेताको पक्षमा उभिने
काठमाडौं । नेपाल कम्युनिष्ट पार्टी(नेकपा) उपाध्यक्ष वामदेव गौतमले प्रचण्ड–नेपाल समूह र केपी ओली समूहका दोस्रो तहका नेताहरुलाई एकताबद्ध गरी अभियान अघि बढाउने बताएका छन् ।
मीनभवनस्थित निजामती अस्पतालमा कोभिडविरुद्धको खोप लगाएपछि पत्रकारहरुसँग कुरा गर्दै उपाध्यक्ष गौतमले प्रचण्ड–नेपाल समूह र केपी शर्मा ओली समूहका दोस्रो तहका नेताहरुलाई एकताबद्ध गरी पार्टी एकताको निम्ति दबाव दिने बताए ।
एकताको पक्षमा नहुने नेताहरुलाई भोट नदिनेसम्मको अवस्था सिर्जना गर्ने उनको भनाइ छ । उनले प्रचण्ड र केपी ओली अझैपनि एकताको पक्षको नआएको बताए । आफू विभाजनउन्मुख रहेको नेकपाको कुनै पक्षमा पनि नलाग्ने तर पार्टी एकताको निम्ति आव्हान गर्ने नेताको पक्षमा उभिनसक्ने गौतमले बताए ।
