विश्वमा कोरोना संक्रमणका कारण मृत्यु हुनेको संख्या २० लाख नाघ्यो
विश्वमा कोरोना भाईरस संक्रमणका कारण मृत्यु हुनेको संख्या २० लाख नाघेको छ । पछिल्लो २४ घण्टामा १५ हजार २८१ संक्रमितको मृत्यु भएसँगै कोरोनाका कारण मृत्यु हुनेको संख्या संख्या २० लाख १ हजार २२४ पुगेको हो ।
यसैगरी, पछिल्लो २४ घण्टामा ७ लाख ४७ हजार ३१७ जनामा संक्रमण पुष्टि भएसँगै विश्वमा कोरोना संक्रमितको संख्या ९ करोड ३५ लाख ९ हजार १०१ पुगेको हो । जसमध्ये ६ करोड ६७ लाख ९८ हजार भन्दा बढी संक्रमणमुक्त भएका छन् ।कुल संक्रमितको ७१ प्रतिशतभन्दा बढी संक्रमणमुक्त भएका छन् । पछिल्लो २४ घण्टामा ५ लाख भन्दाबढी संक्रमणमुक्त भएका थिए ।
अहिले संक्रमितमध्ये २६ दशमलव ४२ प्रतिशत अर्थात सक्रिय संक्रिमतको संख्या २ करोड ४७ लाख ९ हजार ७४४ छ । यसमध्ये १ लाख ११ हजार ८८२ जनाको अवस्था गम्भीर रहेको वल्डोमिटरले जनाएको छ ।
विश्वमा सबैभन्दा बढी असर परेको अमेरिकामा २ करोड ३८ लाख ४८ हजार भन्दा बढी संक्रमित भएका छन् भने ३ लाख ९७ हजार ९३६ जनाको मृत्यु भएको छ । पछिल्लो २४ घण्टामा ४ हजार भन्दा बढी संक्रमितको भएको छ ।
त्यसैगरी, भारतमा पछिल्लो २४ घण्टामा थप १८९ जनाको मृत्यु भएसँगै कोरोनाका कारण मृत्यु हुनेको संख्या १ लाख ५१ हजार ९५४ पुगेको छ। यस्तै पछिल्लो २४ घण्टामा १५ हजार ५१५ जनामा संक्रमण पुष्टि भएको छ । योसँगै संक्रमितको संख्या १ करोड ५ लाख २८ हजार ३४६ पुगेको छ । संक्रमितमध्ये अहिलेसम्म १ करोड १ लाख ६१ हजार ८६८ जना संक्रमणमुक्त भएका छन्
