म किन सडकमा आउने ?

डा. अरुणा उप्रेती ।

ल्याटिन अमेरिकन देश अर्जेन्टिनामा १४ हप्तासम्मको गर्भपतनलाई त्यहाँको सदनले कानुनी मान्यता दिएपछि ठूलो जुलुस त्यहाँको सडकमा मानौ ठूलो ‘क्रान्ती’ नै भएको छ । नेपालमा हामीहरूले २० औं वर्ष महिला स्वास्थ्यको अधिकार र गर्भपतनलाई कानुनी मान्यता दिने लडाइ लड्दा, र अहिले ‘सुरक्षित मातृत्व’ को लागि काम गरिरहेका संस्थाहरू, कति स्त्रीरोग विज्ञ, बालबालिकाको अधिकारको लागि लड्ने संस्थाले गर्भपतनलाई कानुनी मान्यता दिन हुन्न” भनेका थिए ।

तर हामीले असुरक्षित तरिकाले महिलाले गर्भपतन गरेपछि मृगौलामा समेत संक्रमण भएर तड्पी तड्पी मरेको देखेका हुँनाले, बालबालिका अनाथ भएको देखेको हुनाले ‘सुरक्षित गर्भपतन’ लाई मान्यता पाउनुपर्छ भनेर आवाज उठायौं । हामीले त अगाडि नै ‘क्रान्ति’ गरेको रहेछौं ।
२००२ मा सदनले सुरक्षित गर्भपतनलाई मान्यता दिएपछि असुरक्षित तरिकाले गर्भपतन गरेर मर्ने महिलाको संख्यामा कमि त आएको छ, तर अझै महिलाहरू कतै कतै मरिरहेका छन् ।

नेपाली महिलाको स्वास्थ्यको रक्षाको लागि कमै मात्र राजनीतिक नेताले साथ दिएका थिए । तर जब आफ्नो ‘स्वास्थ्य सिद्ध गर्न’ नेतालाई महिलाको जरुरत पर्छ । उनीहरू भन्छन् “उठ उठ, गाउँबाट उठ, बस्ती बस्ती बाट उठ हामीलाई सांसद बनाउन, मन्त्री बनाउन तिमीहरू सडकबाट उठ” । मेरो प्रश्न ती नेतालाई म किन उठुँ, तिम्रो नाति, छोरा, छोरी, बुहारीलाई उठाउ । आफ्ना अयोग्य छोरी र बुहारीलाई ‘पद’ सुम्पिने तिमीहरूको लागि म सडकमा आउँदिन ,
म किन उठु भ्रष्टको लागि ?।“