देशभक्त शक्तिहरुसँग नयाँ आधारमा सहकार्य र मोर्चाबन्दी गरेर अगाडि बढ्न विप्लवको आह्वान
काठमाडौं । विप्लव नेतृत्वको नेकपाले प्रधानमन्त्री केपी शर्मा ओलीले फाँसिवादको सहारा लिएको बताएको छ । आइतबार साँझ विज्ञप्ति जारी गरी पार्टी महासचिव विप्लवले वर्तमान राज्य व्यवस्थाको विकल्प खोजिनुपर्ने भन्दै फाँसीवादको सहारा लिँदै संसद विघटन गरेको दाबी गरेका छन्।
विज्ञप्तिमा भनिएको छ, ‘नेपाली जनताको अग्रगामी एवम् रूपान्तरणकारी चाहना र दलाल पुँजीवादी सत्ताको पश्चगामी, प्रतिक्रियावादी प्रवृत्तिका साथै साम्राज्यवादी घुसपैठका कारण पैदा हुने सङ्घर्षले उनीहरूले जतिसुकै शान्ति र समृद्धिको प्रचार गरे पनि यो असफलता र सङ्कट आउनु अनिवार्य थियो ।’विप्लवले लोकतन्त्रवादी, प्रगतिशील, देशभक्त शक्तिहरुसँग आफू नयाँ आधारमा सहकार्य र मोर्चाबन्दी गरेर अगाडि बढ्न तयार रहेको प्रस्ताव समेत गरेका छन्।
