थप ७१० जनामा कोरोना संक्रमण, ११७५ जना संक्रमणमुक्त
काठमाडौं । नेपालमा थप ७१० जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप ७१० जनामा संक्रमण पुष्टि भएको हो । योसँगै नेपालमा कोराना संक्रमितको संख्या २५३१८४ पुगेको छ ।
त्यसैगरी शनिबार थप ११७५ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या २४२५६७ पुगेको छ । पछिल्लो २४ घण्टामा थप १२ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या १७७७ पुगेको मन्त्रालयले जनाएको छ । क्वारेन्टाइनमा ४२१ जना छन् भने आइसोलेसनमा ८८४० जना सक्रिय संक्रमित रहेका मन्त्रालयले जनाएको छ ।
