‘हामीले खुमलटारमा प्रचण्डजीसँग भेट्दा बुर्लुक्क उफ्रिदै पुच्छर भए भन्नेहरू अबत चुप लाग्छन् कि ?’
काठमाडौं । सत्तारुढ नेकपाका नेता डा. भीम रावलले पार्टी अध्यक्ष पुष्पकमल दाहाल ’प्रचण्ड’सँग भेट्दा पुच्छर भएभन्नेहरू अब चुप लाग्ने बताएका छन् । कार्यकारी अध्यक्ष प्रचण्डलाई भेट्न प्रधानमन्त्री केपी शर्मा ओली शनिबार खुमलटार पुगेपछि ट्वीट गर्दै रावलले यस्तो टिप्पणी गरेका हुन् ।
उनले नेताहरूबीच कुराकानी हुनु र सहमति खोज्नु राम्रो भएको भन्दै सहमति नभए विधिबाट समाधान खोज्नुपर्ने समेत बताएका छन् । रावलले लेखेका छन्, ‘बिहान प्रम केपी ओलीजी, प्रचण्डजीसँग कुरा गर्न खुमलटार जानुभएछ । वामदेवजीको उपस्थितमा मिलौं भन्नुभएछ । हामीले खुमलटारमा प्रचण्डजीसँग भेट्दा बुर्लुक्क उफ्रिदै पुच्छर भए भन्नेहरू अबत चुप लाग्छन् कि ? नेताहरू बीच कुराकानी हुनु र सहमति खोज्नु राम्रो हो।सहमति नभए विधिबाट समाधान खोज्नुपर्छ।’