प्रधानमन्त्री सचिवालय बैठकमा अनुपस्थित, अर्को बैठक २० गते बस्ने
काठमाडौं । सत्तारुढ नेपाल कम्युनिस्ट पार्टीको बुधबारको सचिवालय बैठकमा प्रधानमन्त्री एवं अध्यक्ष केपी शर्मा ओली नै अनुपस्थित भएका छन् । प्रधानमन्त्री निवास बालुवाटामार बोलाइएको बैठकमा अध्यक्ष ओली अनुपस्थित भएका हुन् ।
तर अध्यक्ष ओली नै अनुपस्थित भएपछि बैठक केहीबेर बसेर २० गतेसम्मका लागि स्थगित गरिएको प्रवक्ता नारायणकाजी श्रेष्ठले जानकारी दिए । योसँगै बिहीबारका लागि तय भएको स्थायी कमिटी बैठक प्रभावित भएको छ ।
१८ गतेका लागि बोलाइएको स्थायी कमिटी बैठक २१ गतेका लागि सारिएको उनले जानकारी दिए । यसअघि आज दिउँसो एक बजेका लागि बोलाइएको सचिवालय बैठक प्रधानमन्त्रीको कार्यव्यस्तताको कारण देखाउँदै दुई बजेका लागि सारिएको थियो ।