‘कसैले फुट र विखण्डनको बाटो समाते देश र जनताप्रति गद्दारी र नेकपाविरूद्धको अपराध हुनेछ’
काठमाडौं । सत्तारुढ नेकपाका नेता भीम रावलले पार्टी स्थायी कमिटीको बैठक बोलाउन माग गरेका छन् । पार्टी एकता संकटमा परिरहेको बेला आइतबार ट्वीट गर्दै रावलले विधि,प्रणाली र संस्थागत निर्णय पार्टी सञ्चालन र मतभेद व्यवस्थापनका मूल आधार हुन् भन्दै समस्या समाधानका लागि स्थायी कमिटी बैठक बोलाएका हुन् ।
उनले लेखेका छन्, ‘विधि,प्रणाली र संस्थागत निर्णय पार्टी सञ्चालन र मतभेद व्यवस्थापनका मूल आधार हुन्।स्थायी कमिटीको बैठक तुरून्त बोलाइयोस् ।यी कुराको अवज्ञा गरी कसैले फुट र विखण्डनको बाटो समाते देश र जनताप्रति गद्दारी र नेकपा विरूद्धको अपराध हुनेछ।समझदारी,एकता र देशहित मनमा राखी समस्या समाधान गरौं।’
महासचिव विष्णु पौडेलले पनि सामाजिक संजाल फेसबुकमार्फत पार्टी एकता गम्भीर मोडमा पुगेको भन्दै एकता कायम गर्न नेता कार्यकर्तालाई सकारात्मक योगदान गर्न आग्रह गरेका छन् ।
पार्टी एकता गम्भीर मोडमा: महासचिव पौडेल
