नेपालमा थप ३,६३७ मा कोरोना संक्रमण,३,२१५ संक्रमणमुक्त
नेपालमा कोभिड–१९ संक्रमणमुक्त हुनेको संख्या १ लाख नाघेको छ ।
स्वास्थ्य तथा जनसंख्या मन्त्रालयमा आयोजित नियमित पत्रकार सम्मेलनमा प्रवक्ता जागेश्वर गौतमले पछिल्लो २४ घण्टामा ३ हजार २ सय १५ जना संक्रमणमुक्त भएको बताएका हुन् । यो संगै कुल संक्रमणमुक्त हुनेको संख्या १ लाख २ हजार ८ सय २० पुगेको छ ।
बिहीबार ३ हजार ६ सय ३७ जनामा सङ्क्रमण पुष्टि भएसंगै सङ्क्रमितको सङ्ख्या १ लाख ४८ हजार ५ सय ९ पुगेको मन्त्रालयले जनाएको छ । यस्तै पछिल्लो २४ घण्टामा २१ जनाको मृत्यु भएको छ । यो सँगै कोरोना सङ्क्रमणबाट मृत्यु हुनेको सङ्ख्या ८ सय १२ पुगेको प्रवक्ता गौतमले बताए ।
पछिल्लो २४ घण्टामा १५ हजार दुई सय ५५ जनाको नमुना परीक्षण गरिएकोे छ । देशभर नेपालमा ४४ हजार ८ सय ७७ जना सक्रिय सङ्क्रमित आइसोलेशनमा रहेका छन् भने ३ हजार ७ सय ५१ जना क्वरेण्टीनमा रहेको मन्त्रालयले जनाएको छ ।
