भरतपुर अस्पतालमा उपचाररत कोरोना सङ्क्रमित महिलाको मृत्यु
चितवन । चितवनमा कोरोना सङ्क्रमणबाट थप एक जनाको मृत्यु भएको छ ।
मृत्युहुनेमा तनहुँ शुक्लगण्डकी नगरपालिका घर भई हाल मकवानपुर हेटौँडा–५ बस्ने ३३ वर्षीया महिला रहेको अस्पतालले जनाएको छ । भरतपुर अस्पतालमा उपचाररत उनको बिहिबार बिहान ६ः१५ बजे मृत्यु भएको हो ।
गत असोज ३० गते कोरोना सङ्क्रमणसहित खोकी र श्वासप्रश्वासमा समस्याबाट पीडित भई अस्पतालमा भर्ना भएका उनलाई सोही दिन कोरोना पुष्टि भएकोअस्पतालका सूचना अधिकारी लीलाधर पौडेलले जानकारी दिए । उनको स्वास्थ्य अवस्था जटिल बन्दै गएपछि अस्पतालको कोभिड सघन उपचार कक्षमा भेन्टिलेटरको सहायतामा उपचार गरिएको थियो ।
