थप ५७४३ जनामा कोरोना संक्रमण, २,९९६ जना डिस्चार्ज
काठमाडौं । नेपालमा पछिल्लो २४ घण्टामा थप ५७४३ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप ५७४३ जनामा संक्रमण पुष्टि भएको हो ।
काठमाडौंमा २३९१, भक्तपुरमा १७३ र ललितपुरमा ५४३ जनामा संक्रमण पुष्टि भएको छ । पीसीआर विधिबाट थप २०,११८ जनाको नमुना परीक्षण गरिएको छ । क्वारेन्टाइनमा ४०६५ जना रहेका छन् । पछिल्लो २४ घण्टामा थप २६ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या ७९१ पुगेको छ ।
आइसोलेसनमा ४४,४७६ जना सक्रिय संक्रमित रहेका मन्त्रालयले जनाएको छ । बुधबार निको भई थप २,९९६ जना डिस्चार्ज भएका छन् । योसँगै निको हुनेको संख्या ९९,६०५ पुगेको छ । आइसियूमा २६९ र भेन्टिलेटरमा ८७ जनाको उपचार भइरहेको छ ।
